މެސެޖް

ޕޮލިސީ އަޕްޑޭޓްސް

ނޫސް ބަޔާން

ދިރާސާގެ ހޯދުންތައް

މިނިސްޓްރީ އޮފް ފިޝަރީޒް އެންޑް އޯޝަން ރިސޯސަސް އާއި އިންޑިއާގެ މިނިސްޓްރީ އޮފް ފިޝަރީޒް، އެނިމަލް ހަސްބަންޑްރީ އެންޑް ޑެއިރީންގެ ދަށުން ހިނގާ ޑިޕާޓްމަންޓް އޮފް ފިޝަރީޒްއާ ދެމެދު މަސްވެރިކަމާއި އެކުއަކަލްޗަރގެ ދާއިރާގައި ދެ ޤައުމުގެ އެއްބާރުލުން އިތުރުކުރުމަށް ފަހުމުނާމާގައި ސޮއިކޮށްފިއެވެ.

މި ފަހުމުނާމާގެ މައިގަނޑު މަޤްޞަދަކީ ދެމެހެއްޓެނިވި ގޮތުގައި ކަނޑުމަހުގެ މަސްވެރިކަން ކުރިއެރުވުމާއި، ދެމެހެއްޓެނިވި ވަސީލަތްތައް މެނޭޖްކުރުން ހަރުދަނާކުރުމާއި އެކުއަކަލްޗަރ ކުރިއެރުވުމާއި، ތިމާވެއްޓާ ރައްޓެހި މަސްވެރި-ފަތުރުވެރިކަން ކުރިއެރުވުމާއި، އަދި ދެ ޤައުމުގައި ވެސް އިޖާދީ ކަންކަމާއި ސައިންޓިފިކް ދިރާސާތައް ކުރުމަށް އެހީތެރިވެދިނުމެވެ. މީގެ އިތުރުން ވެލިއު ޗެއިން ތަރައްޤީކުރުމާއި، ތަމްރީނާއި، ދިރާސާތަކުގައި އެއްބާރުލުން ދީ މަސްވެރިކަމުގެ ދާއިރާގެ ޤާބިލުކަން އިތުރުކުރުމާއި، ދިވެހި ރާއްޖޭގެ މެރިކަލްޗަރ ދާއިރާގައި އަމިއްލަ ފަރާތްތަކުގެ ބައިވެރިވުން އިތުރު ކުރުމާއި، އިންވެސްޓްމަންޓް ފުރުސަތުތައް ފަހިކޮށްދިނުން ހިމެނެއެވެ.

މި ފަހުމުނާމާއަކީ ދެމެހެއްޓެނިވި ގޮތުގައި މަސްވެރިކަމުގެ ވަސީލަތްތައް ބޭނުންކުރުމަށާއި، ތިމާވެށި ރައްކާތެރިކުރުމަށް ދެ ޤައުމުން ކުރާ މަސައްކަތްތަކަށް ވެސް އެހީތެރިވެވޭނެ ފިޔަވަޅެކެވެ. މިގޮތުން ދެ ޤައުމުގެ މެދުގައި ހިއްސާކުރެވޭ މަޢުލޫމާތާއި ތަޖުރިބާގެ ސަބަބުން މަސްވެރިކަމުގެ ދާއިރާގައި ދިމާވާ ގޮންޖެހުންތަކަށް ހައްލު ހޯދުމަށް ފަސޭހަ ވެގެންދާނެއެވެ.

މިފަހުމުނާމާއަކީ ދިވެހިރާއްޖެ އާއި އިންޑިއާގެ މެދުގައި މަސްވެރިކަމުގެ ދާއިރާގައި އޮތް ގުޅުން އިތުރަށް ހަރުދަނާކޮށް، ދެ ޤައުމުގެ މަސްވެރިކަމުގެ ޞިނާޢަތު ކުރިއެރުވުމަށް އެޅޭ މުހިންމު ފިޔަވަޅެކެވެ. އަދި މީގެ ސަބަބުން ދެ ޤައުމުގެ މަސްވެރިކަމުގެ ދާއިރާއަށް ފައިދާކުރަނިވި ނަތީޖާތަކެއް ޙާޞިލުކުރެވި، ދެމެހެއްޓެނިވި ގޮތެއްގައި މި ދާއިރާ ކުރިއަރައިގެންދާނެކަމަށް އުންމީދުކުރެވެއެވެ.

މަސްވެރިކަމުގެ ސިނާޢަތުގެ ހަރުދަނާކުރުމާއި ތަރައްޤީ ކުރުމަށް މި މިނިސްޓްރީއާ އިންޑިއާގެ މިނިސްޓްރީ އޮފް ފިޝަރީޒް، އެނިމަލް ހަސްބަންޑްރީ އެންޑް ޑެއިރީއާއެކު ފަހުމުނާމާގައި ސޮއި ކުރައްވައިފި

The Ministry  and the Department of Fisheries under India’s Ministry of Fisheries, Animal Husbandry and Dairying have signed a Memorandum of Understanding to enhance bilateral collaboration in the fields of fisheries and aquaculture.

 މަސްވެރިކަމުގެ ސިނާޢަތް ތަރައްޤީކުރުމަށް ވެވުނު ފަހުމާނާމާ (ދިވެހި ބަހުން) 

Press : MOU of Understanding to Strengthen Fisheries and Aquaculture Collaboration 

 މަސްވެރިކަމުގެ ސިނާޢަތް ތަރައްޤީކުރުމަށް ވެވުނު ފަހުމާނާމާ ( އިގެރޭސި ބަހުން) 

Press : MOU of Understanding to Strengthen Fisheries and Aquaculture Collaboration ( English Version) 

MOU to Strengthen Fisheries and Aquaculture Collaboration 

"ފްރޮމް މޯލްޑިވްސް" ގެ ނަމުގައި މަސްވެރިކަމުގެ އުފެއްދުންތަކަށް ޚާއްޞަ އައު ޤައުމީ ބްރޭންޑެއް ދިވެހި ސަރުކާރުން ތަޢާރަފުކޮށްފިއެވެ. މިއަދު އިނގިރޭސި ވިލާތުގައި ބޭއްވުނު ޔޫކޭ-މޯލްޑިވްސް ބިޒްނަސް ފޯރަމްގައި ރަސްމީކޮށް މި ބްރޭންޑް އިފްތިތާޙުކޮށްދެއްވީ ދިވެހިރާއްޖޭގެ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒެވެ. މިއީ ދިވެހި މަސްވެރިކަމުގެ ސިނާޢަތް ބައިނަލްއަޤްވާމީ މައިދާނުގައި ތަމްސީލުކުރުމަށް ކުރެވޭ މަސައްކަތްތަކަށް ލިބުނު ފާހަގަކޮށްލެވޭ ކުރިއެރުމެކެވެ.

ރާއްޖޭގެ މަސްދޯނިފަހަރުގެ ބައްޓަމާއި، މަހުގެ އުފެއްދުންތަކާއި އަދި ޤުދުރަތީ މުއްސަނދިކަން ރަމްޒުކޮށްދޭ ލޯގޯއެއް އެކުލެވޭ މި ބްރޭންޑުން ދައްކުވައިދެނީ ދިވެހިރާއްޖޭގެ މަސްވެރިކަމުގެ ސިނާޢަތަކީ ތިމާވެށްޓާ ރައްޓެހި، ޓެކްނޮލޮޖީގެ ގޮތުން ކުރިއަރާފައިވާ، އިޖްތިމާޢީ ބައިވެރިވުން ހިމެނޭ އަދި ދުނިޔޭގެ ފެންވަރުގައި ވާދަކުރެވޭ ސިނާޢަތެއްކަމެވެ. އަދި މީގެ އިތުރުން، ކަނޑުގެ ވެއްޓާއި ދިވެހިންގެ ދިރިއުޅުމާ ދެމެދު ޒަމާނުއްސުރެ އޮތް ދެމެހެއްޓެނިވި ގުޅުމާއި، ދިވެހީންގެ އުފެއްދުންތެރިކަމާއި ސަޤާފީ މުއްސަނދިކަންވެސް މި ބްރޭންޑުން ދައްކުވައިދެއެވެ. އަދި ހަމައެއާއެކު، ދިވެހިރާއްޖޭގެ މަސްވެރިކަމުގެ ސިނާޢަތަކީ ދުނިޔޭގެ މަހުގެ ބާޒާރަށް އަންނަމުންދާ ބަދަލުތަކާ އެކު ތަރައްޤީވަމުންދާ، ބާޒާރުން ކަނޑައަޅާ މިންގަނޑުތައް ބަލައިގަންނަ ސިނާޢަތެއްކަންވެސް މި ބްރޭޑްގެ ޒަރިއްޔާއިން ރަމްޒުކޮށްދެއެވެ.

މި ބްރޭންޑް ތަޢާރަފުކުރުމަކީ ކަނޑުގެ ވަޞީލަތްތަކުން ދިވެހިންނަށް ލިބޭ ނަފާ އިތުރުކުރުމަށް ސަރުކާރުން ފުޅާދާއިރާއެއްގައި ކުރަމުންގެންދާ މަސައްކަތްތަކުގެ ތެރެއިން ފާހަގަކޮށްލެވޭ މުހިއްމު އެއް މަސައްކަތެވެ. އަދި މިއީ އަގުއެއްކުރި މަހާއި މަހުގެ އުފެއްދުންތައް ރާއްޖޭގައި ތައްޔާރުކޮށް، ބަންދުކުރުމުގެ ކެޕޭސިޓީ އިތުރުކުރުމަށާއި، އަދި ޕްރޮސެސްކުރުމުގެ އިތުރުން، މަސް ފިނިކޮށް، ރައްކާކުރުމުގެ ނިޒާމު އިތުރަށް ފުޅާކުރުމަށް ސަރުކާރުން ކުރަމުންގެންދާ މަސައްކަތްތަކަށްވެސް ލިބިގެންދާ ކުރިއެރުމެއްވެސް މެއެވެ. ރާއްޖޭގައި މަހުގެ އުފެއްދުންތައް ތައްޔާރުކުރާ އުފެއްދުންތެރިންނަށް ބައިނަލްއަގްވާމީ ބާޒާރުތަކުގައި ވާދަވެރިކަމާއެކު ބައިވެރިވުމުގެ މަގު އިތުރަށް ފަހިކުރުމަށް ތައްޔާރުކޮށްފައިވާ މި ބްރޭންޑަކީ ރައީސުލްޖުމްހޫރިއްޔާ އުފައްދަވައިފައިވާ މޯލްޑިވްސް ފިޝަރީސް އެންޑް އޯޝަން ރިސޯސަސް މާކެޓިންގ އެންޑް ޕްރޮމޯޝަން ކޯޕަރޭޝަން ގެ އުފެއްދުމެކެވެ.

The Government of Maldives has formally launched 

, a new national fisheries promotional brand, during an official event held today in London, United Kingdom. The launch was officiated by His Excellency Dr Mohamed Muizzu, President of the Republic of Maldives, and marks a significant advancement in how the country positions one of its most iconic sectors on the global stage.

Featuring a logo inspired by the traditional Maldivian fishing vessel design, the texture of fish, and the richness of the country’s marine life, the brand reflects a broader vision to transform the fisheries sector into one that is not only environmentally sustainable, but also technologically advanced, socially inclusive, and globally competitive. It symbolises the country's enduring connection to the ocean while embracing the tools and standards required to meet the demands of a rapidly changing market.

Under this initiative, the Maldives is expanding its processing capacity, investing in cold storage infrastructure, and modernising its fleet with energy-efficient vessels and digital monitoring systems. These upgrades are designed to strengthen traceability, improve catch quality, and enhance market access, particularly for premium and sustainability-conscious consumers.

 communicates more than geographic origin. It evokes the authenticity of local production, the integrity of sustainable one-by-one fishing, and the craftsmanship of value-added processing carried out on Maldivian shores. With the accompanying slogan, 

, the brand reinforces the nation’s longstanding commitment to quality, responsibility, and care for the marine environment.

This initiative forms part of the government’s wider agenda to generate greater value from marine resources, expand livelihood opportunities, and build a resilient blue economy grounded in equity, innovation, and ocean stewardship. The brand represents a key initiative of the Maldives Fisheries and Ocean Resources Marketing and Promotion Corporation, an entity established by the President to lead the promotion of Maldivian fisheries products.

"ފްރޮމް މޯލްޑިވްސް" ގެ ނަމުގައި މަސްވެރިކަމުގެ އުފެއްދުންތަކަށް ޚާއްޞަ އައު ޤައުމީ ބްރޭންޑެއް ތަޢާރަފުކުރުން

Maldives Unveils ‘From Maldives’: A New National Brand to Promote Fisheries Products.

ދިވެހިރާއްޖެއިން 'ފްރޮމް މޯލްޑިވްސް' ޤައުމީ ބްރޭންޑް (  ދިވެހި ބަހުން )

Press : From Maldives' National Brand  (  Dhivehi Version )

ދިވެހިރާއްޖެއިން 'ފްރޮމް މޯލްޑިވްސް' ޤައުމީ ބްރޭންޑް (  އިގެރޭސި ބަހުން) 

Press :-From Maldives' National Brand ( English Version )

ދިވެހިރާއްޖެއިން 'ފްރޮމް މޯލްޑިވްސް' ގެ ނަމުގައި ޤައުމީ ބްރޭންޑް ބްރޭންޑެއް ތަޢާރަފުކުރުން

‘From Maldives’: A New National Brand to Promote Fisheries Products.

ދުނިޔޭގެ ކަނޑުތަކުގެ ދުވަސް ފާހަގަކުރުމަށްޓަކައި މަސްވެރިކަމާ ކަނޑުގެ ވަސީލަތްތަކާ ބެހޭ ވުޒާރާއިން " މޫދު ފެސްޓް" ގެ ނަމުގައި ގިނަ ހަރަކާތްތަކެއް ހިންގުމަށް ވަނީ ހަމަޖެހިފައެވެ. މި ހަރަކާތްތައް ކުރިއަށް ދާނީ ޖޫން މަހުގެ 21 ވަނަ ދުވަހު ހުޅުމާލޭ ފޭސް 1ގެ (ދިރާގު) ގޮނޑުދޮށުގައެވެ. މި ހަރަކާތްތައް މެންދުރު 1 ފެށިގެން ހަވީރު 5 އާއި ހަމައަށް ކުރިއަށް ގެންދިއުމަށް ވަނީ ރާވާފައެވެ.

" މޫދު ފެސްޓް" ގައި ކަނޑާ ގުޅޭ އެކިއެކި ހަރަކާތްތައް ބޭއްވުމަށް ގިނަ ސްޓޯލްތަކެއް ހުންނާނެއެވެ. މި ފެސްޓިވަލްގައި މަސްވެރި ވުޒާރާއާއި ސަރުކާރުގެ އިދާރާތަކާއި ވިޔަފާރިތަކާއި ތިމާވެށި ދާއިރާގެ އެންޖީއޯތަކާއި ކާބޯތަކެތި ވިއްކާ ފަރާތްތައް ބައިވެރިވާނެއެވެ. މި ހަރަކާތްތަކުގައި ކަނޑުތައް ހިމާޔަތްކުރުމުގެ މުހިންމުކަމާއި ދެމެހެއްޓެނިވި ގޮތެއްގައި ކަނޑު ބޭނުންކުރުމާއި ގުޅޭގޮތުން މައުލޫމާތު ދިނުމަށް ވަނީ ހަމަޖެހިފައެވެ. އަދި މީގެ އިތުރުން ކުޑަކުދިންނަށް ޚާއްސަކޮށް އެކިއެކި ކުޅިވަރުތައް ބޭއްވުމަށް ވެސް ވަނީ ރާވާފައެވެ.  

"މޫދު ފެސްޓް" ފެށިގެންދާނީ ޑައިވް ސެންޓަރުތަކާއި ގުޅިގެން ކުރިއަށްގެންދާ ޑިސްކަވާ ޑައިވް ހަރަކާތުންނެވެ. މި ހަރަކާތަކީ ކުޑަކުދިންނަށް ޑައިވްކުރުން ތަޖުރިބާ ކުރުމަށް ހިންގާ ހަރަކާތެކެވެ. މި އިވެންޓް ނިމުމުން ހުރިހާ ބައިވެރިންނަށާއި އެހީތެރިވި ފަރާތްތަކަށް ހަނދާނީ ސެޓްފިކެޓް ދިނުމަށް ވަނީ ހަމަޖެހިފައެވެ.

"މޫދު ފެސްޓް"ގައި މަސްވެރިކަމާ ކަނޑުގެ ވަސީލަތްތަކާ ބެހޭ ވަޒީރު އަހުމަދު ޝިޔާމް އާއި ދައުލަތުގެ މުއައްސަސާތަކުގެ ވެރީން ބައިވެރިވެވަޑައިގަންނަވާނެއެވެ. މަސްވެރި ވުޒާރާއިން ވަނީ މި ހަރަކާތުގައި ވީހާވެސް ގިނަ ކުޑަކުދިން ބައިވެރިވުމުގެ ފުރުސަތު ހުޅުވާލާފައެވެ.

ދުނިޔޭގެ ކަނޑުތަކުގެ ދުވަސް ފާހަގަކުރުމަށް  "މޫދު ފެސްޓް" ބޭއްވުން

To Mark World Oceans Day 2025 -  “Moodhu Fest” 

Press Release:-  To Mark World Oceans Day 2025 - “ Moodhu Fest ” 

ދުނިޔޭގެ ކަނޑުތަކުގެ ދުވަސް ފާހަގަކުރުމަށް " މޫދު ފެސްޓް" ބޭއްވުން

To Mark World Oceans Day 2025 -  "Moodhu Fest” 

To Mark World Oceans Day 2025 - “Moodhu Fest” 

ދެމެހެއްޓެނިވިގޮތެއްގައި ކުދި ފަންތީގެ މަސްވެރިކަން ރާވައި، ހިންގާ، ބެލެހެއްޓުމަށް ކުރެވެމުންދާ މަސައްކަތްތައް ހިއްސާ ކުރުމަށާއި ކުދިފަންތީގެ މަސްވެރިކަމުގައި ޙަރަކާތްތެރިވާ ފަރާތްތައް ބާރުވެރިކުރުވުމަށް ކުރެވިދާނެ ކަންކަމާގުޅޭ ޚާއްޞަ ސައިޑް އިވެންޓެއް ދިވެހިރާއްޖެއިން އިސް ނަގައިގެން ޔުނައިޓެޑް ނޭޝަން އޯޝަންސް ކޮންފަރެންސްގެ 3 ވަނަ ބައްދަލުވުމުގައި އިއްޔެ ބާއްވައިފިއެވެ.

މި ސެޝަންގައި ސަރުކާރުތަކުންނާއި ސަރަޙައްދީ އަދި ބައިނަލްއަޤްވާމީ ފަރާތްތަކުން ދެމެހެއްޓެނިވި ގޮތެއްގައި ކުދި  ފަންތީގެ މަސްވެރިކަން ރާވައި، ހިންގާ، ބެލެހެއްޓުމަށް ކުރަމުންދާ މަސައްކަތްތަކާ ގުޅޭ ކޭސް ސްޓަޑީސްތައް ހިއްސާކޮށްފައިވެއެވެ. އަދި މި ތަޖުރިބާގެ އަލީގައި، އެހެން ޤައުމުތަކަށް ވެސް އެޅިދާނެ ފިޔަވަޅުތަކާމެދު މަޝްވަރާކޮށްފައިވެއެވެ.

މި ސެޝަންގައި ވާހަކަފުޅު ދައްކަވަމުން މަސްވެރިކަމާއި ކަނޑުގެ ވަސީލަތްތަކާ ބެހޭ ވަޒީރު އަޙްމަދު ޝިޔާމް ވިދާޅުވީ ކުދި ފަންތީގެ މަސްވެރިކަން ތަރައްޤީކުރުމާއި އެ މަސްވެރިކަމަށް އިންވެސްޓްކުރުމާ ގުޅޭ ގޮތުން ބައިނަލްއަޤްވާމީ މައިދާންތަކުގައި އަޑުއުފުލަންޖެހޭ ކަމަށެވެ. އެހެން ނަމަވެސް ކުދިފަންތީގެ މަސްވެރިކަމުގެ ވާހަކަ އަންނަނީ ބައިނަލްއަޤްވާމީ މިފަދަ މަޝްވަރާތަކުގެ ހަވާސާގައި ކަމަށާއި، ކުދިފަންތީގެ މަސްވެރިކަން ކުރާ ފަރާތްތައް ތިބީ ސިޔާސަތުތަކާއި އިންވެސްޓްމަންޓާއި، އިނޮވޭޝަންގެ މާ ފަހަތުގައިކަން ފާހަގަ ކުރައްވައި، ވަޒީރު ވިދާޅުވީ މިކަން ބަދަލުވާން ޖެހޭ ކަމަށެވެ. އަދި ސައިންސާއި ޓެކްނޮލޮޖީގެ އަލީގައި މި މަސްވެރިކަން ތަރައްޤީކުރުމަށް ރާއްޖެއިން ކުރާ މަސައްކަތްތަކަށްވެސް ވަޒީރުގެ ވާހަކަފުޅުގައި އަލިއަޅުއްވާލެއްވިއެވެ.

މި ބައްދަލުވުމުގައި ބައިވެރިވެވަޑައިގެންނެވި އިންޑޮނޭޝިއާގެ ޑިރެކްޓަރ ޖެނެރަލް އޮފް ކެޕްޗަރ ފިޝަރީޒް (ނަން) ވަނީ އަވައްޓެރި އިންޑޮނޭޝިއާގައި މަސްވެރިކަން ކުރަމުން އަންނަ ގޮތް ހިއްސާކުރައްވާފައެވެ. އަދި އެ ޤައުމުން ކޯޓާ ބަހައިގެން މަސްވެރިކަން ކުރާ ގޮތާއި، މަސްލަހަތުވެރިންގެ ބައިވެރިވުން އިތުރުކޮށްގެން އަދި ބައިނަލްއަޤްވާމީ ފަރާތްތަކާ ގުޅިގެން ނޫ އިޤްތިޞާދު ކުރިއަރުވަމުންދާ ގޮތް ލަތީފް ހިއްސާ ކުރައްވާފައިވެއެވެ. އަދި އެކަން ކުރެވެމުންދަނީ ސައިންސްގެ އަލީގައިކަމަށާއި، ދެފުށް ފެންނަ ވަރުގަދަ ނިޒާމުތަކެއްގެ މައްޗަށް ބިނާކޮށްކަމަށް އޭނާ ވިދާޅުވި އެވެ.

މަސްވެރިކަމާއި ކަނޑުގެ ވަސީލަތްތަކާ ބެހޭ ވުޒާރާގެ ޑިރެކްޓަރ ޖެނެރަލް ޑރ. ޙުސައިން ސިނާން ދިވެހިރާއްޖޭގެ ކަނޑުމަހުގެ މަސްވެރިކަން ރާވައި، ހިންގުމުގައި ދައުލަތުން ކުރަމުންގެންދާ މަސައްކަތްތަކަށް މި ސެޝަންގައި އަލިއަޅުއްވާލައްވައިފައިވެއެވެ. އަދި މި މަސައްކަތްތައް ކުރިއަށް ގެންދިޔުމުގައި ދެމެހެއްޓެނިވި މަސްވެރިކަމުގެ އުސޫލުތަކަށާއި ހަމަހަމަކަމަށް އިސްކަންދޭ މިންވަރު ޑރ. ސިނާންގެ ވާހަކަފުޅުގައި ފާހަގަކުރެއްވިއެވެ. އަދި މަހުގެ ބައިނަލްއަޤްވާމީ މާކެޓްތަކަށް ވަނުމުގެ ފުރުސަތުތައް ފަހިކުރުމަށް ކުރެވެމުންދާ މަސައްކަތްތަކާއި ކުދި ފަންތީގެ މަސްވެރިކަމުން ލިބޭ ނަފާ މުޅި މުޖުތަމަޢަށް ބެހިގެންދާނެ ފަދަ ގޮތަކަށް މަސްވެރިކަން މެނޭޖްކުރުމަށް ކުރެވެމުންދާ މަސައްކަތްތައް ފާހަގަކުރެއްވިއެވެ.

މަސްވެރިކަމުގެ ތަފާސް ހިސާބުގެ މުހިންމުކަން ފާހަގަކުރައްވަމުން، ޑރ. ސިނާނު ވިދާޅުވީ 1950 ގެ އަހަރުތަކުން ފެށިގެން ދިވެހިރާއްޖޭގައި އެއްކޮށް، ބަލަހައްޓަމުން އަންނަ މަސްވެރިކަމުގެ ތަފާސް ހިސާބު ޑިޖިޓައިޒް ކުރުމަށް މިހާރު ގިނަ މަސައްކަތްތަކެއް ކުރެވެމުން އަންނަ ކަމަށެވެ. އަދި މި މިކަމަކީ ދިވެހިރާއްޖޭގައި ޒިންމާދާރު ގޮތެއްގައި ކުރެވޭ ކަނޑުމަހުގެ މަސްވެރިކަން ދެމެހެއްޓެނިވި ގޮތެއްގައި މެނޭޖްކުރުމަށްޓަކައި އެޅޭ މުހިއްމު ފިޔަވަޅެއްކަން ޑރ. ސިނާން ފާހަގަކުރެއްވިއެވެ.

މި ބައްދަލުވުމުގައި ވާހަކަދައްކަވަމުން މެރިން ބައޮލޮޖިސްޓެއް ކަމަށްވާ ޑރ. ލިލިއަން ޖޭ. އިބެންގްވެ ޓެންޒޭނިއާގެ ކުދިފަންތީގެ މަސްވެރިކަމުގެ ތަޖުރިބާ ހިއްސާކުރައްވާފައިވެއެވެ. ޓެންޒޭނިއާއަކީ ދުނިޔޭގައި އެންމެ ފުރަތަމަ ކުދި މަސްވެރިކަމަށް ޤައުމީ ޢަމަލީ ޕްލޭނެއް (ނެޝަނަލް ޕްލޭން އޮފް އެކްޝަން) އެކުލަވާލި ޤައުމެވެ. މި އެން.ޕީ.އޯ.އޭ (ނެޝަނަލް ޕްލޭން އޮފް އެކްޝަން) ގެ ސަބަބުން މަސްވެރިކަމުގެ ސިޔާސަތު އެކުލަވައިލުމުގައްޔާއި މަސްވެރިކަން ބެލެހެއްޓުމުގައި މަސްލަހަތުވެރިންގެ ބައިވެރިވުން ޔަޤީންކުރެވި، އެފަރާތްތައް ބާރުވެރިކުރެވޭކަން ޑރ. ލިލިއަން ފާހަގަކުރެއްވިއެވެ. އަދި ކާބޯތަކެތީގެ ޖަމުޢިއްޔާ، އެފް.އޯ.އިން ތައްޔާރުކޮށްފައިވާ އެސް.އެސް.އެފް (ސްމޯލް-ސްކޭލް ފިޝަރީޒް) ގައިޑްލައިންތައް ފުރިހަމައަށް ތަންފީޛުކުރުމަށް އެ އެން.ޕީ.އޯ.އޭ ބާރަކަށްވާކަމަށް ވެސް އޭނާ ފާހަގަކުރެއްވިއެވެ.

ރާއްޖެއިން އިސްނަގައިގެން ބޭއްވި މި ބައްދަލުވުމުގައި ޤައުމުތަކުގެ އިތުރުން ސަރަޙައްދީ ޖަމުޢިއްޔާތަކުންވެސް ބައިވެރިވެފައިވެއެވެ. މިގޮތުން ބޭ އޮފް ބެންގޯލް ޕްރޮގްރާމް - އިންޓަރގަވަރމެންޓަލް އޯގަނައިޒޭޝަން (ބީއޯބީޕީ-އައިޖީއޯ) ގެ ޑިރެކްޓަރ، ޑރ. ކްރިޝްނަން، ސަރަޙައްދީ ފެންވަރުގައި ކުދިފަންތީގެ މަސްވެރިކަން ތަރައްޤީކޮށް ބާރުވެރިކުރުމަށް ކުރެވިދާނެ ކަންކަން ހިއްސާކުރެއްވިއެވެ. އަދި  ބީއޯބީޕީ-އައިޖީއޯގެ އެންމެހައި މެންބަރު ޤައުމުތަކުގައި ކުދި ފަންތީގެ މަސްވެރިކަމަށް ޤައުމީ ޢަމަލީ ޕްލޭންތައް އެކުލަވާލުމަށް އެހީތެރިވެދޭނެ ކަމަށް އިޢުލާންކުރެއްވިއެވެ.

ދުނިޔޭގެ ކާބޯތަކެއްޗާ ބެހޭ ޖަމުޢިއްޔާގެ ގެ އެސިސްޓެންޓް ޑިރެކްޓަރ ޖެނެރަލް، ޑރ. މެނުއެލް ބަރަންޖް ވެސް މި ސެޝަންގައި ވާހަކަފުޅު ދައްކަވައިފައިވެއެވެ. ބަރަންޖްގެ ވާހަކަފުޅުގައި މަސްވެރި މުޖުތަމަޢުތަކުގެ ކުރިއެރުމަށާއި ދުޅަހެޔޮކަން އިތުރުކުރުމަށްޓަކައި އެފްއޭއޯއިން އެކުލަވައިލައިފައިވާ ވަސީލަތްތަކަށް އަލިއަޅުވާލެއްވިއެވެ. އަދި ކުދިފަންތީގެ މަސްވެރިކަމަށް ޤައުމީ ޢަމަލީ ޕްލޭންތައް އެކުލަވާލުމަށް ބީއޯބީޕީ-އައިޖީއޯ އިން ކުރައްވާ މަސައްކަތްތަކަށް އެފްއޭއޯގެ ފުރިހަމަ އެއްބާރުލުން ދޭނެކަމުގެ ޔަޤީންކަން ދެއްވިއެވެ.

ކުދި ފަންތީގެ މަސްވެރިކަން ރާވައި، ހިންގާ، ބެލެހެއްޓުމާ ގުޅޭ ސައިޑް އިވެންޓެއް ދިވެހިރާއްޖެއިން އިސް ނަގައިގެން އ.ދ ގެ އޯޝަންސް ކޮންފަރެންސްގެ 3 ވަނަ ބައްދަލުވުމުގައި ބޭއްވުން

Maldives Side Event on Small-Scale Fisheries Development, Management, and Conservation at the 3rd UN Ocean Conference

އ.ދ ގެ އޯޝަންސް ކޮންފަރެންސްގެ 3 ވަނަ ބައްދަލުވުމާ ބެހޭ 

Press Release:- (PR)30-D/30/2025/02

Side Event on Small-Scale Fisheries Development, Management, and Conservation at the 3rd UN Ocean Conference

ރާއްޖޭގެ 99 އިންސައްތައަށް ވުރެ ބޮޑު ސަރަހައްދަކީ މޫދާއި ކަނޑަށް ވާއިރު، އަޅުގަނޑުމެންގެ ޢިޤްތިޞާދީ ނާރެސް އޭގެ މައްޗަށް ބިނާވެފައިވާ އެންމެ މުހިއްމު ވަސީލަތަކީ ކަނޑެވެ. މިއަދު ދުނިޔޭގެ ކަނޑުތަކުގެ ދުވަސް ފާހަގަކުރާއިރު، ކަނޑުގެ ވެއްޓާއި އެމާހައުލުގައި އުޅޭ ދިރުންތަކަކީ ދިވެހިންގެ ދިރިއުޅުމާއި ގުޅިލާމެހިފައިވާ އަޅުގަނޑުމެން ބަނޑުފުރާ މުއްތިކުރުމަށާއި އާމްދަނީ ހޯދުމަށް ޤުދުރަތުން ދެއްވާފައިވާ އެންމެ ބޮޑު  ނިޢުމަތްކަމީ ދެބަސްވެވޭނެ ކަމެއް ނޫނެވެ. ޒަމާނުންސުރެ ދިވެހިންނަކީ ކަނޑުގެ ވެއްޓާއި ރައްޓެހި ކަނޑުރޯދި ހޯދުމަށް ކަނޑުގެ ވަސީލަތް ހެޔޮގޮތުގައި ބޭނުންކުރުމަށް ހާއްސަ ސަމާލުކަމެއް ދޭ ބައެކެވެ. ރާއްޖޭގެ މަސްވެރިކަމަށް ބަލާލިޔަސް ތިމާވެއްޓާ ރައްޓެހި ގޮތުގައި ކުރެވޭ މަސްވެރިކަމެއް އެތައް ޤަރުނައެއް ވަންދެން ދަމަހައްޓައި ޒަމާނާ އެއްގޮތަށް ތަރައްޤީކުރެވިފައި އޮތްއޮތުމަކީ، އެކަމަށް ދިވެހިން ހާއްސަ ސަމާލުކަމެއް ދީފައިވާކަން ރަމްޒުކޮށްދޭކަމެކެވެ. އެހެންކަމުން، ކަނޑުގެ މާހައުލާއި ވަށައިގެންވާ ވެށި އަދި އެވެށީގެ ދިރުންތައް ރައްކާތެރިކޮށް ބެލެހެއްޓުމާއެކު، އަންނަން އޮތް ޖީލުތަކަށް އޭގެ ދުޅަހެޔޮކަންމަތީ ފޯރުކޮށް ދިނުމަކީ މިއަދު އަޅުގަނޑުމެންގެ އެންމެންގެ ޒިންމާއެކެވެ.

ދިވެހިރާއްޖޭގެ މަސްވެރިކަން ތަރައްޤީކުރުމަށް މިއިން ދުވަހަކު ނުކުރާ މިންވަރަށް މަސައްކަތް ކުރަމުންދާއިރު، އަޅުގަނޑުމެންނަށް އޮތް އެންމެ ބޮޑު އެއް ގޮންޖެހުމަކީ މޫސުމަށް އަންނަ ބަދަލުތަކާއިއެކު ކަނޑުގެ ވެއްޓަށްކުރާ ނޭދެވޭ އަސަރު ތަކެވެ. މިގޮތުން، މޫސުމަށް އަންނަ ބަދަލުތަކާ ގުޅިގެން ކަނޑުގެ ލޮނުގަނޑު ހޫނުވުމުގެ ސަބަބުން ކަނޑުމަހުގެ ބާވަތްތައް ދުރު ސަރަޙައްދުތަކަށް އަދި ކަނޑުގެ ފުން ހިސާބުތަކަށް ހިޖުރަކުރެއެވެ. ނަތީޖާއަކީ، އަޅުގަނޑުމެން ދޮށްޓާއި އަތުނަނު ބޭނުންކޮށްގެން ކަނޑުގެ މަތީ ފަށަލައިން މިކުރާ މަސްވެރިކަމަށް އޭގެ ނޭދެވޭ އަސަރުކޮށް މަސްވެރިކަމުގެ ނުމޫސުން ދިގުވެ އޭގެ ނޭދެވޭ އަސަރު ސިނާޢަތަށް ކުރަމުންދިއުމެވެ.   

މޫސުމީގޮތުން ދިމާވަމުންދާ ގޮންޖެހުންތަކަކީ ދުނިޔޭގެ ފެންވަރުގައި މަސައްކަތްތަކެއް ކުރެވިގެން މެނުވީ ހައްލު ކުރެވޭނެ މައްސަލައަކަށް ނުވާ އިރު، ބަވަނަ ވަމުންދާ އަދުގެ ދުނިޔޭގައި މިކަމަށް އަވަސް ހައްލެއް ގެނައުމަށް ހުރި ގޮންޖެހުންތައް ގިނަގުނައެވެ. އެހެންކަމުން، މޫސުމީ ބަދަލުތަކަށް ހޭނި އެކަމުން ލިބޭ ގެއްލުން ކުޑަކުރުމަށް ފިޔަވަޅުތައް ގައުމީ ފެންވަރުގައިވެސް އަޅައި ދުރާލައި ތައްޔާރުވާންޖެހެއެވެ. އަޅުގަނޑުމެންގެ ކަނޑުގެ މާހައުލު ރައްކާތެރިކޮށް ބެލެހެއްޓުމުގެ ފަރުދީ ޒިންމާ އަދާކުރުމާއެކު، ކަނޑުގެ ވަސީލަތްތައް ބޭނުންކުރުމުގައި ނޫއިޤްތިޞާދު އެއީ ނާރެހެއްކަމުގައި ބަލައި ކަނޑުން ލިބޭ ނަފާ އިތުރުކުރުމަށް ގުޅިފައިވާ ސިނާޢަތްތައް ސިންދަފާތުކުރަންޖެހެއެވެ.

ޔޫއެން ޑެކޭޑް އޮފް އޯޝަން ސައިންސް ފޯ ސަސްޓެއިނަބަލް ޑިވެލޮޕްމަންޓްގެ ގޮތުގައި މި ގުނޭ އަހަރުތައް މި ފާހަގަކުރެވެނީ ކަނޑުތައް ރައްކާތެރިކޮށް ބެލެހެއްޓުމުގައި ފުރިހަމަ ސައިންޓިފިކް މަޢުލޫމާތު ހޯދުމަށް މުޅި ދުނިޔެއިން މަސައްކަތްކުރާ އަހަރުތަކެއްގެ ގޮތުގައެވެ. އޯޝަން ޑެކޭޑްގެ ދަށުން ކަނޑައަޅާފައިވާ ލަނޑުދަނޑިތައް ހާސިލްކުރުމަށް ކަނޑު، ފަޅާއި، ފަރު އަދި މި މާހައުލުތަކުގެ ދިރުންތަކާގުޅޭ ދިރާސާތައް ކުރުމާއި، އެކަމަށް ބޭނުންވާ މީހުން ބިނާކުރުމާއި، އައު ޓެކްނޮލޮޖީ އީޖާދުކޮށް ތަޢާރުފުކުރުން ފަދަ ކަންތައްތަކަށް އިސްކަންދީގެން މަސައްކަތްތަކެއް މިދަނީ ކުރަމުންނެވެ. އަދި ރައީސުލް ޖުމްހޫރިއްޔާ ޑރ. މުޙައްމަދު މުއިއްޒު ގައުމާއި މުޙާތަބްކުރައްވައި ދެއްވި އެންމެ ފުރަތަމަ ތަގްރީރުގައިވެސް ސަރުކާރުގެ އަސާސްތައް ބިނާވެގެންވަނީ ދިރާސާތަކުގެ އަލީގައި ކަން ފާހަގަކުރައްވާފައިވުމަކީ މިކަމަށް ބާރު ދޭ ކަމެކެވެ.

 ކަނޑުގެ މައްޗަށް ބަރޯސާވެފައިވާ މުހިއްމު ސިނާޢަތްތައްކަމުގައި މަސްވެރިކަމާއި، ފަތުރުވެރިކަން އަދި ކަނޑުގެ މާހައުލުތައް ރައްކާތެރިކޮށް ބެލެހެއްޓުމަށް މަސައްކަތްކުރާ ފަރާތްތަކުން ކަނޑުތަކުގެ ދުޅަހެޔޮކަމާއި ދިރުންތައް ރައްކާތެރިކުރުމާބެހޭ މުހިއްމު މަޢުލޫމާތު އެއްކޮށް، އެމަޢުލޫމާތު ބަދަލުކުރެވޭނެ ރަނގަޅު ނިޒާމެއް ޤާއިމްކުރުމަކީ ކޮންމެހެން މުހިއްމުކަމެކެވެ. އަދި މިއީ، ކަނޑުގެ މާހައުލު ބެލެހެއްޓުމުގައްޔާއި ކަނޑުގެ ވަސީލަތްތައް ދެމެހެއްޓެނިވި ގޮތެއްގައި ބޭނުންކުރުމަށް ފިޔަވަޅުތައް އެޅުމުގައި މުހިއްމު ދައުރެއް އަދާކުރާނެ ވަސީލަތަކަށް ވާނެކަމާމެދު ޝައްކެއް ނެތެވެ. އަޅުގަނޑުގެ ދުޢާއަކީ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ކަނޑާއި ކަނޑުގެ ވަސީލަތްތައް ރާވައި، ހިންގައި ބެލެހެއްޓުމަށް ކަނޑައަޅާފައިވާ ސިޔާސަތުތަކާއި، އެ ސިޔާސަތުތަކުގެ ދަށުން ކުރަމުންދާ މަސައްކަތްތައް ކާމިޔާބުކޮށްދެއްވާ، ކަނޑުފަޅުތަކުން ދިވެހިންނަށް ލިބެމުންދާ ނަފާ ދިގުމުއްދަތަކަށް ދެމިގެން ދިއުމެވެ.

The Maldives is a nation defined by the ocean. With more than 99% of our territory consisting of the sea, our identity, economy, and way of life are inextricably tied to the marine environment. On this World Oceans Day, we celebrate the ocean as our most vital natural resource - one that sustains our communities, drives our economy, and shapes the lives of all Maldivians.

For generations, the Maldivian people have nurtured a deep connection with the ocean, practicing sustainable and environmentally conscious fishing that reflects a profound respect for nature. Our longstanding use of traditional, low-impact methods of fishing, such as the use of pole-and-line and handline, adapted over centuries and refined through modern innovation, demonstrates this commitment. As custodians of the ocean, it is our collective responsibility to safeguard its health and the biodiversity it supports for future generations.

Today, as we strive to transform and expand the fisheries sector to new heights, we are confronted by unprecedented challenges; chief among them, the impacts of climate change. Rising ocean temperatures have altered the migratory patterns of tuna, driving them further offshore and into deeper waters. This shift significantly reduces the effectiveness of our traditional fishing practices that target surface swimming tuna, leading to prolonged off-seasons and adversely affecting livelihoods across the nation.

Addressing the climate crisis requires a global response. Yet we must also take action at home; strengthening our resilience, investing in adaptation, and preparing proactively for change. At the same time, we must diversify our ocean-based economy, tapping into new opportunities through a blue economy approach that prioritises sustainability, equity, and innovation.

The United Nations Decade of Ocean Science for Sustainable Development represents a global effort to bridge knowledge gaps and advance the scientific understanding necessary for effective ocean management. The Maldives is proud to support this global effort. We are working to enhance marine research, build national capacity, and develop technologies that support sustainable management of our lagoons, reefs, and wider ocean ecosystems.

President Dr. Mohamed Muizzu has placed science and evidence-based policy at the heart of his governance agenda. Under his leadership, we are building systems to improve the collection, exchange, and use of ocean data across all marine sectors; including fisheries, tourism, and conservation. These efforts are fundamental to ensuring the long-term health of our marine environment and the sustainability of the resources it provides.

As we mark this World Oceans Day, I reaffirm the Maldives’ unwavering commitment to the protection, sustainable use, and equitable management of our ocean resources. May the efforts and policies of President Dr. Mohamed Muizzu continue to ensure that the benefits we derive from our seas are preserved and enjoyed for generations to come.

Minister of Fisheries and Ocean Resources

Message from the Minister of Fisheries and Ocean Resources on the Occasion of World Oceans Day 2025.

ދުނިޔޭގެ ކަނޑުތަކުގެ ދުވަހުގެ މުނާސަބަތުގައި މިނިސްޓަރ އަޙްމަދު ޝިޔާމް މެސެޖް. ( އިގެރޭސި ބަހުން)

Message from the Minister   ( English Version )

ދުނިޔޭގެ ކަނޑުތަކުގެ ދުވަހުގެ މުނާސަބަތުގައި މިނިސްޓަރ އަޙްމަދު ޝިޔާމް މެސެޖް. ( ދިވެހި ބަހުން )  

Message from the Minister   ( Dhivehi Version )

Minister's Message - World Oceans Day 2025

ދުނިޔޭގެ ކަނޑުތަކުގެ ދުވަހާ ގުޅިގެން މިނިސްޓަރ އަޙްމަދު ޝިޔާމް ދެއްވި މެސެޖް.

ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ މަސްވެރިކަމުގެ ވަޢުދުފުޅުތަކުގެ ތެރެއިން، މަސްވެރިކަމަކީ ވަޒީފާއެއްގެ ގޮތުގައި ކަނޑައަޅައި، ބޭންކިންގ ކްރެޑިޓް ރޭޓިންގގެ ތެރެއަށް ފެތޭގޮތަށް، މާލީ އިދާރާތަކުން ލޯނު ލިބުންފަދަ އިތުރު ޚިދުމަތްތައް ހޯދުމަށް މަސްވެރިންނަށް ފުރުޞަތު ހުޅުވާލުމުގެ ސިޔާސަތުގެ ދަށުން، ބޭންކް އޮފް މޯލްޑިވްސްއިން މަސްވެރިންނަށް ފަސޭހަކަމާއެކު ފައިނޭންސް ލިބޭނެ މަގު ތަނަވަސް ކޮށްދިނުމަށްޓަކައި، މިނިސްޓްރީ އޮފް ފިޝަރީޒް އެންޑް އޯޝަން ރިސޯސަސްއާއި ބޭންކް އޮފް މޯލްޑިވްސް އާއި ދެމެދު މެމޮރެންޑަމް އޮފް އަންޑަސްޓޭންޑިންގ (އެމް.އޯ.ޔޫ) އެއްގައި މިއަދު ވަނީ ސޮއިކުރެވިފައެވެ. މި އެއްބަސްވުމުގައި ސޮއިކުރެއްވީ މިނިސްޓަރ އޮފް ފިޝަރީޒް އެންޑް އޯޝަން ރިސޯސަސް، އޮނަރަބްލް އަޙްމަދު ޝިޔާމް އަދި ބޭންކް އޮފް މޯލްޑިވްސްގެ ޗީފް އެގްޒެކެޓިވް އޮފިސަރ އަދި މެނޭޖިންގ ޑިރެކްޓަރ އަލްފާޟިލް މުޙައްމަދު ޝަރީފެވެ.

މި އެއްބަސްވުމުގެ ދަށުން، މަސްވެރިންގެ ދަފްތަރުގައި ރަޖިސްޓްރީކޮށްފައިވާ މަސްވެރިންނަށް އެ ފަރާތްތަކުގެ އާމްދަނީއަށް ބަލައި، ޕާސަނަލް ފައިނޭންސިންގ، ކްރެޑިޓް ކާޑު، ސްޓޫޑެންޓް ލޯން އަދި ގެދޮރު ލޯނު ފަދަ އެކި ބާވަތުގެ ކްރެޑިޓް ފެސިލިޓީތަކަށް ވާޞިލުވުމުގެ ފުރުޞަތު ލިބިގެންދާނެއެވެ. މި އައު އިންތިޒާމުގެ ދަށުން، ޝަރުޠު ހަމަވާ މަސްވެރިންނަށް ރަހުނެއް ނުވަތަ އިކުއިޓީ އަކާނުލައި 300,000 ރުފިޔާއާ ހަމައަށް ޕާސަނަލް ފައިނޭންސިންގ ލިބޭނެއެވެ. އަދި ފުރަތަމަ ފަހަރަށް، މޫސުމާއިއެކު މަސްވެރިކަމުގެ އާމްދަނީއަށް އަންނަ ބަދަލުތަކަށް ރިޢާޔަތްކޮށް ފައިސާ އަނބުރާ ދެއްކުމުގެ ތާވަލުތައް އެކުލަވާލެވޭނެއެވެ.

ޕާސަނަލް ފައިނޭންސިންގ އަދި ލުއި ލޯނަށް އެދި ހުށަހެޅުމުގެ ފުރުޞަތު ބޭންކުގެ އިންޓަނެޓް ނުވަތަ މޮބައިލް ބޭންކިންގ އެޕްލިކޭޝަން މެދުވެރިކޮށް ލިބެން ހުންނާނެއެވެ. މިކަމުގެ ސަބަބުން ދިވެހިރާއްޖޭގެ ކޮންމެ ހިސާބަކުން ވެސް މަސްވެރިންނަށް މި ޚިދުމަތަށް އެދި ހުށަހެޅުމުގެ ފުރުޞަތު ލިބިގެންދާނެއެވެ.

ޕާސަނަލް ފައިނޭންސިންގގެ އިތުރުން، ޤައުމީ މަސްވެރިންގެ ދަފްތަރުގައި ރަޖިސްޓްރީ ކުރުމަށްފަހު، މަސްވެރިންނަށް ހޯމް ޕާޗޭސް ފައިނޭންސިންގ، ހޯމް ބިލްޑް ފައިނޭންސިންގ އަދި ހޯމް ކޮންސްޓްރަކްޝަން ލޯނަށް ވެސް އެދި ހުށަހެޅުމުގެ ފުރުޞަތު ލިބިގެންދާނެއެވެ. މި އިތުރު ފުރުޞަތުތަކުގެ ސަބަބުން، މަސްވެރިންނަށް އެ ފަރާތްތަކުގެ ދިރިއުޅުމުގެ ފެންވަރު މަތިކޮށް، އަމިއްލަ ގެދޮރު ގަތުމާއި އިމާރާތްކުރުމުގެ ހުވަފެން ޙަޤީޤަތަކަށް ހެދުމަށް މަގުފަހިވެގެންދާނެއެވެ.

The Ministry of Fisheries and Ocean Resources  signed a Memorandum of Understanding (MoU) with the Bank of Maldives (BML) today, Implementing  the President's policy to integrate fishermen by establishing financial pathways allowing them better opportunities to obtain loans and other financial services. The MoU seek to  recognise fishing as a profession and integrate fishermen into the banking credit rating system.

The Memorandum of Understanding (MoU) signed by The Minister of Fisheries and Ocean Resources, Ahmed Shiyam, and Mr. Mohamed Shareef, Chief Executive Officer and Managing Director of the Bank of Maldives.

Briefing to the media at the ceremony, Minister highlighted that the Memorandum of Understanding (MoU) signed with the Bank of Maldives (BML) will provide fishermen registered in the National Fishermen’s Registry access to various credit facilities. These include personal financing, credit cards, and home loans, with flexible repayment structures.

Further more  registered fishermen in the National Fishermen's Registry will be able to secure personal financing of up to MVR 300,000 without requiring collateral or equity, with repayment schedules designed to accommodate seasonal fluctuations in fishing income.

In additionally, registered fishermen will be eligible for home purchase financing, home build financing, and home construction loans, allowing them to enhance their standard of living and achieve homeownership.

Applications for financing and loans will be available online via the Bank’s official website and mobile banking platforms, ensuring accessibility from any location across the Maldives.

These new financing options will create pathways for fishermen to improve their livelihoods.

މަސްވެރިންނަށް މާލީ ތަނަވަސްކަން އިތުރު ކުރުމަށްޓަކައި މިނިސްޓްރީ އާއި ބީ.އެމް.އެލް އާ ދެމެދު ފަހުމުނާމާއެއްގައި ސޮއިކުރުން

Ministry signed a Memorandum of Understanding (MoU) with the Bank of Maldives to enhance financial services for Fishermen



މަސްވެރިންނަށް މާލީ ތަނަވަސްކަން ފަހިކޮށްދިނުމަށްޓަކައި - ބީ.އެމް.އެލް އާ ދެމެދު ވެވުނު ފަހުމުނާ

Press: - MoU with BML to Expand Fishermen’s Financial Access

Ministry signed a Memorandum of Understanding (MoU) with the Bank of Maldives to Enhance Financial Services for Fishermen

ދިވެހިރާއްޖެއާއި ޗައިނާ ދެމެދު ސޮއިކޮށްފައިވާ މިނިވަން ވިޔަފާރީގެ އެއްބަސްވުން 1 ޖަނަވަރީ 2025ން ފެށިގެން ތަންފީޒުކުރަން ފަށާ ފެށުމަށް މަސްވެރިކަމާއި ކަނޑުގެ ވަސީލަތްތަކާ ބެހޭ ވުޒާރާއިން މަރުހަބާ ކިޔަމެވެ. މި އެއްބަސްވުމަކީ ދިވެހިރާއްޖެއާއި ޗައިނާއާ ދެމެދު އޮތް އިޤްތިޞާދީ ގުޅުން ރަމްޒުކޮށް ދޭ މުހިންމު މޭލުގާއެކެވެ. މި އެއްބަސްވުމުގެ ސަބަބުން މަސްވެރިކަމުގެ ދާއިރާގެ ވުނަކުރުންތަކަށް ފުރުސަތު ހުޅުވި ދިވެހިރާއްޖޭގެ މަހުގެ އުފެއްދުންތަކުގެ ވިޔަފާރި ކުރިއަރައިގެން ދާނެއެވެ. މިނިވަން ވިޔަފާރި އެއްބަސްވުމުގެ މައިގަނޑު މަޤްޞަދުތަކަކީ އެކްސްޕޯޓް އިތުރުކުރުމާއި، ވިޔަފާރީގެ ހުރަސްތައް މަދުކުރުމާއި، އަދި ދިވެހިރާއްޖެއާއި ޗައިނާގެ ވިޔަފާރިތަކަށް އައު ފުރުސަތުތަކެއް އުފައްދާ ފަހިކޮށް ދިނުމެވެ.

ދިވެހިރާއްޖޭގެ މަސްވެރިކަމުގެ ހުރިހާ އުފެއްދުންތަކެއް ހެން، މި އެއްބަސްވުމުގެ ދަށުން، ޗައިނާއަށް ސުން ޓެކުހުގައި އެކްސްޕޯޓު ކުރެވެއެވެ. އަދި މަހުގެ އުފެއްދުންތައް ރިއެކްސްޕޯޓް ކުރުމަށްވެސް މަގުފަހިވެގެންދާނެއެވެ. މިކަމުގެ ސަބަބުން ޗައިނާގެ ވިޔަފާރިތަކަށް ދިވެހިރާއްޖެއިން ކަނޑުކާނާ (ސީފުޑު) ހޯދުމަށް ފަސޭހަ ވެގެން ދާނެއެވެ .29 އޮކްޓޯބަރ 2024 ގައި ޗައިނާއާއި ދިވެހިރާއްޖެއިން ސޮއިކުރި ގުދުރަތީ ކަނޑުގެ އުފެއްދުންތައް ބަލައި ފާސްކުރުމާއި ކަރަންޓީން ކުރުމުގެ ޕްރޮޓޮކޯލުގެ ސަބަބުން ކަނޑުކާނާގެ އުފެއްދުންތައް ބޭރުކުރަން ފަސޭހަވެ ކަނޑުކާނާގެ ވިޔަފާރި އިތުރަށް ފުޅާވެގެންދާނެއެވެ.

މިނިވަން ވިޔަފާރީގެ މި އެއްބަސްވުން ތަންފީޒުކުރަން ފެށުމަށް ރައީސް ޑރ. މުޙައްމަދު މުޢިއްޒު ގެންގުޅުއްވި ދުރުވިސްނުންފުޅަށާއި ރޭވުންތެރިކަމަށް ތައުރީފުކޮށް މަރުހަބާ ކިޔަމެވެ. މި އެއްބަސްވުމުގެ ސަބަބުން މަސްވެރި ސިނާއަތު ކުރިއަރުވައި ސިންދަފާތުކުރުމަށް ގިނަގުނަ ފުރުސަތުތައް ހުޅުވިގެން ދާނެއެވެ. މި އެއްބަސްވުން ތަންފީޒުކުރެވުމުން މަސްވެރިކަމުން ޖީޑީޕީއަށް ހިއްސާކުރާ މިންވަރު އިތުރުވެ ސީދާ މަސްވެރިޔާގެ ދިރިއުޅުމުގެ ފެންވަރު ރަނގަޅުވެގެން ދާނެއެވެ.

The Ministry of Fisheries and Ocean Resources welcomes the activation of the China-Maldives Free Trade Agreement (CMFTA). This FTA marks a significant milestone in the economic relations between the Maldives and China, paving the way for increased investments in fisheries and enhanced trade of fisheries products from the Maldives. The primary objectives of the CMFTA are to boost exports, reduce trade barriers, and create new opportunities for investment and businesses in both the Maldives and China.

Under this FTA, almost all fisheries products from the Maldives will be eligible for export to China at zero tariff rate, with facilitated re-export processes. This will provide Chinese businesses with improved access to seafood sourced from the Maldives. Furthermore, a protocol signed between the two governments on October 29, 2024, establishes inspection and quarantine requirements for Maldivian wild aquatic products, further strengthening the export of seafood products.

The Ministry extends its congratulations to President Dr. Mohamed Muizzu, applauding his visionary efforts in activating the CMFTA. This agreement provides numerous opportunities for the advancement and diversification of the fisheries sector. The activation of the CMFTA marks a significant step forward in increasing the GDP contribution from the fisheries and ocean resources sector and improving the livelihoods of every fisherman.

ދިވެހިރާއްޖެ-ޗައިނާ މިނިވަން ވިޔަފާރީގެ އެއްބަސްވުމުގެ ސަބަބުން މަސްވެރިކަމާއި ކަނޑުގެ ވަސީލަތްތަކުގެ ދާއިރާއިން ޗައިނާއާ އެކީ ކުރާ ވިޔަފާރި ފުޅާވެގެން ދާނެ 

Official Statement on the Expansion of Bilateral Trade Relations in Fisheries and Marine Resources with China-Maldives Free Trade Agreement (CMFTA):- Increasing Investments in Fisheries and Enhancing Trade of Fisheries Products

ނޫސްބަޔާން  

Press Release 

Official Statement on the Expansion of Bilateral Trade Relations in Fisheries and Marine Resources with China-Maldives Free Trade Agreement (CMFTA)

އެހެން އަހަރުތަކެކޭ އެއްފަދައިން މިއަހަރުވެސް މަސްވެރިންގެ ދުވަސް ކުލަގަދަކޮށް ފާހަގަކުރުމަށްޓަކައި ދިވެހިރާއްޖޭގެ ހުރިހާ އަތޮޅުތަކުގެ މަސްވެރިންނާއި މަސްވެރިކަމުގެ ޞިނާޢަތުގައި ހަރަކާތްތެރިވާ ފަރާތްތައް ޝާމިލްވާގޮތަށް ހަރަކާތްތަކެއް ކުރިއަށް ގެންދިއުމަށް މި މިނިސްޓްރީން ވަނީ ރާވާފައެވެ. މިގޮތުން، މިއަހަރުގެ މަސްވެރިންގެ ދުވަހުގެ ރަސްމީ ޙަރަކާތްތައް ބާއްވަން ހަމަޖެހިފައިވަނީ މާލޭގައެވެ. މިގޮތުން ބޭއްވުމަށް ހަމަޖެހިފައިވާ ޙަރަކާތްތަކަކީ:

44 ވަނަ މަސްވެރިންގެ ދުވަހުގެ ރަސްމީ އިޙްތިފާލުތައް މާލޭގައި  ބޭއްވުމަށް ވަނީ ކަނޑައަޅުއްވައިފިއެވެ. މަސްވެރިންގެ ދުވަހާ ގުޅިގެން ބޭއްވުމަށް ހަމަޖެހިފައިވާ ތަފާތު ޙަރަކާތްތަކާއި ގުޅޭ

Activities Planned for 44th National Fishermen's Day Celebration

44 މަސްވެރިންގެ ދުވަސް -  ޙަރަކާތްތަކާއި ގުޅޭ

Activities Planned for 44th National Fishermen's Day

44 ވަނަ މަސްވެރިންގެ ދުވަހާ ގުޅިގެން ބޭއްވުމަށް ހަމަޖެހިފައިވާ ތަފާތު ޙަރަކާތްތަކާއި ގުޅޭ

Press:- Activities planned for 44th national Fishermen's Day celebration

މަސްވެރިން ބާނާ މަސް ތާޒާކަންމަތީ ގިނަ ވަގުތު ބެހެއްޓޭނެ އިންތިޒާމު ފަހިކޮށްދިނުމުގެ ގޮތުންނާއި މަސްވެރިކަމުގެ ފަހި މޫސުމުގައި އައިސް ނުލިބުމުގެ ސަބަބުން މަސް ފިނިކުރުމަށް ދިމާވާ ދަތިތަކަށް ހައްލު ހޯދައިދީ މަސްވެރިކަމުން ލިބޭ ނަފާ އިތުރުކުރުމަށް އިސްލާމިކް ޑިވެލޮޕްމެންޓް ބޭންކާއި ލައިވްސް އެންޑް ލައިވްލިހުޑް ފަންޑުގެ އެހީގައި ކުރިއަށް ގެންދާ މަޝްރޫޢަށް އެޕްލިކޭޝަން ހުށަހެޅުމަށް މިވަނީ ހުޅުވާލެވިފައެވެ.  

މިދިޔަ އަހަރު އިފްތިތާޙު ކުރެވުނު މި ލޯނު މަޝްރޫޢު އަލުން މި ހުޅުވާލެވެނީ މަސްވެރިންގެ ބޭނުންތަކަށް ވަރަށް ބޮޑަށް ރިޢާޔަތްކޮށް ލޯނުގެ ބޭނުން ކުރެވޭނެ ގިނަކަންކަން ހިމަނައިގެންނާއި އަދި ލޯނު ދެއްކުމަށް ލުއި ފަސޭހަތަކެއް ދިނުމަށް މަސްވެރިންނަށް ދަތިވެފައިވާ ކަންކަން ހައްލުކުރުމަށް ޚާއްސަ އިސްކަމެއް ދީގެންނެވެ. އެގޮތުން ގެނެވުނު އެންމެ ބޮޑު ލުޔަކީ މަޝްރޫޢުގެ ދަށުން ދޫކުރާ ލޯނުގެ ދަށުން ގަންނަ ތަކެތީގެ އަގުގެ %35 ޑިސްކައުންޓްކުރުމަށް ސަރުކާރުން ނިންމުމެވެ. 

ތިރީގައިވާ ތަކެތި ގަތުމަށް މަޝްރޫޢުގެ ދަށުން ލޯނު ފައިސާ ދޫކުރެވޭނެއެވެ.

1.            ލޮނުފެނުން މަސް ފިނިކުރާ ނިޒާމު (އާރ.އެސް.ޑަބްލިއު ސިސްޓަމް)  

2.            ޖެނެރޭޓަރ ސެޓް  

3.            ސޯލާރ ޕީވީ ސިސްޓަމް  

މި މަޝްރޫއުގެ މުހިންމު ކަންތައްތައް

1.       މި މަޝްރޫޢުގެ ދަށުން ދަށުން 2 މިލިއަނާހަމައަށް ފައިނޭންސް ހަމަޖެހިގެން ދިއުން

2.       އާރ.އެސް.ޑަބްލިއު ސިސްޓަމާއި އެކު ޖަނެރޭޓަރާއި ސޯލާ ޕީވީ ގަނެވޭގޮތަށް ހަމަޖެހިފައި އޮތުން

3.       ލޯނު އަނބުރާ ދެއްކުމަށް 6 މަސްދުވަހުގެ ގްރޭސް ޕީރިއަޑެއް ލިބުން

4.       10 އަހަރު ދުވަހަށް ބަހާލައިގެން ލޯނު ދެއްކޭގޮތަށް ހަމަޖެހިފައިވުން

5.       ގަންނަ ތަކެތީގެ އަގުގެ 35 އިންސައްތަ ދައްކަން ނުޖެހުން (ނުވަތަ ޑިސްކައުންޓް ލިބުން )

6.       އަމިއްލައަށް ނުވަތަ އެސް.އެމް.އީ ޑެވެލޮޕްމަންޓް ފައިނެންސް ކޯޕަރޭޝަން (އެސް.ޑީ.އެފް.ސީ) ގައި ރަޖިސްޓަރީކޮށްފައިވާ ވެންޑަރެއް މެދުވެރިކޮށް ވެސް މި ފެސިލިޓީ ބޭނުން ކުރެވުން

7.       މަސްވެރިކަމުގެ ލައިސަންސް ނަގައިގެން މަހަށްދުއްވާ 50 ފޫޓު ހަމަވާ ކޮންމެ ދޯންޏަކަށް ރަހުނަކާއި ނުލައި މި ލޯނަށް ހުށަހެޅޭނެ.

8.       މި ލޯނަށް އެދި ހުށަހަޅާނީ އެސް.ޑީ.އެފް.ސީގެ ޕޯޓަލް (

) މެދުވެރިކޮށެވެ. އެޕްލިކޭޝަންތައް ލިބޭ މިންވަރަކުން ޝަރުތުހަމަވާ ފަރާތްތަކުގެ އެޕްލިކޭޝަންތައް ޕްރޮސެސްކުރުމުގެ މަސައްކަތް ކުރިއަށް ގެންދެވޭނެއެވެ. އެޕްލިކޭޝަން ބަލައިގަތުމުގެ ސުންގަޑިއަކީ 30 ނޮވެމްބަރ 2024 އެވެ. 

Loan application must be submitted via the SDFC portal at 

މި ލޯނަށް އެދި ހުށަހަޅާނީ އެސް.ޑީ.އެފް.ސީގެ ޕޯޓަލް (https://portal.sdfc.mv) މެދުވެރިކޮށެވެ. އެޕްލިކޭޝަން ބަލައިގަތުމުގެ ސުންގަޑިއަކީ 30 ނޮވެމްބަރ 2024 އެވެ.   
އިތުރު މަޢުލޫމާތު މިނިސްޓްރީގެ ނަންބަރު 3033434   އަދި އެސްޑީއެފްސީގެ ނަންބަރު 1613 އާއި ގުޅުއްވުމުން ލިބިވަޑައިގަންނަވާނެއެވެ. 

Loan application must be submitted via the SDFC portal at https://portal.sdfc.mv/login. Application deadline: November 30, 2024. For additional information, contact the Ministry at 3033434 and SDFC at 1613.

ނޫސް ބަޔާން:- މަސްދޯނިފަހަރުގައި ލޮނުފެނުން މަސް ފިނިކުރާ ނިޒާމު ގާއިމުކުރުމުގެ މަޝްރޫޢު އަލުން މުރާޖަޢާކޮށް އެޕްލިކޭޝަން ބަލައިގަތުމަށް ހުޅުވާލުން ( ދިވެހި ބަހުން )   

 Press Release - RSW  Finance [Dhivehi]

ނޫސް ބަޔާން:- މަސްދޯނިފަހަރުގައި ލޮނުފެނުން މަސް ފިނިކުރާ ނިޒާމު ގާއިމުކުރުމުގެ މަޝްރޫޢު އަލުން މުރާޖަޢާކޮށް އެޕްލިކޭޝަން ބަލައިގަތުމަށް ހުޅުވާލުން ( އިގެރޭސި ބަހުން )   

 Press Release - RSW  Finance [ English]

އާރް. އެސް. ޑަބްލިއު ފައިނޭންސިންގ ގުޅޭ އާއި  ޢާންމު ސުވާލާއި ޖަވާބު

RSW Finance  - FAQ

ނޫސް ބަޔާން:- މަސްދޯނިފަހަރުގައި ލޮނުފެނުން މަސް ފިނިކުރާ ނިޒާމު ގާއިމުކުރުމުގެ މަޝްރޫޢު އަލުން މުރާޖަޢާކޮށް އެޕްލިކޭޝަން ބަލައިގަތުމަށް ހުޅުވާލުން    

 Press Release - RSW  Finance 

ދިވެހިރާއްޖެއިން ބާނާ ކަނޑުމަހުގެ ބާވަތްތަކަކީ ދުރު ރާސްތާއަށް ހިޖުރަ ކުރާ، އަދި މުޅި އިންޑިއާ ކަނޑަށް ފެތުރިފައިވާ، އެއް އާބާދީއަކުން ގިނަ ގައުމުތަކަކުން މަސްވެރިކަން ކުރާ ބާވަތްތަކެކެވެ. އެހެންކަމުން މިބާވަތްތަކަށް އަމާޒުކޮށް ކުރެވޭ މަސްވެރިކަން ރާވައި، ހިންގައި، ބަލަހައްޓަނީ އިންޑިއާ ކަނޑުގެ ކަނޑުމަސްވެރިކަން ބަލަހައްޓާ ސަރަޙައްދީ ޖަމުޢިއްޔާ ކަމުގައިވާ އިންޑިއަން އޯޝަން ޓޫނާ ކޮމިޝަން (އައި.އޯ.ޓީ.ސީ) އިންނެވެ. އެ ކޮމިޝަނުން ނިންމާ ނިންމުންތައް ދިވެހިރާއްޖެ ހިމެނޭ ގޮތަށް ކޮމިޝަންގެ އެންމެހައި މެންބަރު ޤައުމުތަކުން ޤައުމީ ފެންވަރުގައި ތަންފީޒުކުރުމަށް ލާޒިމްވެއެވެ.

އިންޑިއާ ކަނޑުގެ ލޯބޮޑު ކަންނެލި އަދި ރީނދޫ އުރަހަ ކަންނެލީގެ ސްޓޮކް ދެމެހެއްޓެނިވި ގޮތެއްގައި ބެލެހެއްޓުމަށްޓަކައި، މި ސްޓޮކުން ކޮންމެ ޤައުމަކަށް ވެސް ބޭނޭނެ އެންމެ މަތީ މިންވަރެއް ވަނީ އައި.އޯ.ޓީ.ސީގެ ޤަރާރަކުން ފާސްކޮށްފައެވެ. މިގޮތުން ލޯބޮޑު ކަންނެލި ބޭނޭނެ އެންމެ މަތީ މިންވަރު ނުވަތަ ކޯޓާއެއްގެ ގޮތުގައި ދިވެހިރާއްޖޭގެ އުޅަނދުފަހަރުތަކުން ބޭނުމަށް ލިބިފައިވަނީ އަހަރަކަށް 2000 (ދެހާސް) ޓަނެވެ. އަދި ރީނދޫއުރަހަ ކަންނެލި ބޭނޭނެ މިންވަރު ނުވަތަ ކޯޓާއެއްގެ ގޮތުގައި ލިބިފައިވަނީ އަހަރަކަށް 47000 (ސާޅީސް ހަތްހާސް) ޓަނެވެ. އެހެން ނަމަވެސް، ވޭތުވެ ދިޔަ ދެއަހަރު ވެސް ދިވެހިރާއްޖޭގެ އުޅަނދުތަކުން ރީނދޫއުރަހަ ކަންނެލި ބާނާފައިވަނީ ގާތްގަނޑަކަށް 30000 (ތިރީސްހާސް) ޓަނެވެ. މީގެ ނަތީޖާއެއްގެ ގޮތުން، މުސްތަޤުބަލުގައި ކޯޓާ މުޠާލިޢާ ކުރާއިރު، ޤައުމުތަކުން މަސްބާނާ މިންވަރަށް ބަލައި، ދިވެހިރާއްޖެއަށް މިހާރު ލިބިފައިވާ ކޯޓާ ކުޑަވުމަކީ އެކަށީގެންވާ ކަމަކަށް ވާތީ، ރާއްޖެއަށް ލިބިފައިވާ ކޯޓާ އެންމެ ފުރިހަމައަށް ބޭނުންކުރުމަކީ މުހިއްމު ކަމެއް ކަމުގައި މިނިސްޓްރީން ދެކެމެވެ. އެހެންކަމުން، ދިވެހިރާއްޖޭގެ ކަނޑުމަހުގެ މަސްވެރިކަން އިތުރަށް ތަރައްޤީކުރުމުގެ މަޤްސަދުގައި ލޭނުމަސްވެރިކަން ދިވެހިރާއްޖޭގައި އަލުން ހުޅުވާލުމަށް ވަޒީރުންގެ މަޖްލީހުން ނިންމުމާ ގުޅިގެން، ލޭނުމަސްވެރިކަން ކުރުމާބެހޭ ގަވާއިދެއް މިވުޒާރާއިން ވަނީ އެކުލަވައިލައި، މިނިސްޓްރީގެ ވެބްސައިޓުގައި ޝާއިޢުކޮށްފައެވެ. އަދި މި ގަވާއިދަށް 18 އޮގަސްޓު 2024 ގެ ކުރިން ޚިޔާލު ފާޅުކޮށް، ކޮމެންޓުކުރުމުގެ ފުރުސަތުވެސް ވަނީ ހުޅުވާލައިފައެވެ.

ލޭނު މަސްވެރިކަމަށް މިފަހަރު ހުޅުވައިލާއިރު ފާއިތުވީ ތަނުގައި ދިވެހިރާއްޖޭގައި ލޭނު މަސްވެރިކަން ކުރިއިރު ލިބިފައި ހުރި ތަޖުރިބާއަށް ބަލައި، މި މަސްވެރިކަމަކީ ދިވެހީންނަށް ފައިދާހުރި އަދި ޤާނޫނާއި ގަވާއިދުތަކާ އެއްގޮތައް ކުރެވޭ މަސްވެރިކަމެއްކަން ކަށަވަރުކުރުމުގެ ގޮތުން ހާއްސަ މާއްދާތަކެއް މި ގަވާއިދުގައި ހިމަނާފައި ވާނެއެވެ. މިގޮތުން އުޅަނދުގެ ފަޅުވެރިންގެ ސަލާމަތާއި ރައްކާތެރިކަން ދެމެހެއްޓުމަށް އުޅަނދުގައި ކޮންމެހެން ހުންނަންޖެހޭނެ ހަމަތަކެއް ކަނޑައަޅާ ބަޔާންކުރެވިފައިވާނެއެވެ. އަދި އުޅަނދުގައި ކުރެވޭ މަސްވެރިކަމުގެ ހަރަކާތްތައް ރަނގަޅަށް މޮނީޓަރކޮށް ބެލެއްޓުމުގެ ގޮތުން އުޅަނދުގައި ވެސެލް ލޮކޭޓިން ޑިވައިސްއެއް އަދި އިލެކްޓްރޯނިކް މޮނިޓަރިންގ ސިސްޓަމްއެއް ހަރުކުރުމުގެ އިތުރުން ކޮންމެ މަސްދަތުރަކަށް ފުރުމުގެ ކުރިން ޑިޕާޗަރ ކްލިއަރެންސް ހުއްދައެއް ހޯދުމަށް ލާޒިމް ކުރެވިފައިވާނެއެވެ. މީގެ އިތުރުން ލޭނު މަސްވެރިން ކުރުމަށް ހުއްދަ ސަރަޙައްދެއް ކަމަށް ކަނޑައަޅާފައިވަނީ މިނިސްޓްރީއަށް ލިބިފައިވާ މަޢުލޫމާތާއި ތަފާސް ހިސާބުތަކަށް ރިޢާޔަތްކޮށް، ކަންނެލީގެ އަތު ނަނުގެ މަސްވެރިން ޢާއްމުކޮށް ހަރަކާތްތެރިވާ ސަރަޙައްދުން ބޭރުގެ ސަރަޙައްދެކެވެ. މިއީ ދިވެހިރާއްޖޭގެ އާކިޕެލަޖިކް ބޭސްލައިންއިން ފެށިގެން 100 (ސަތޭކަ) މޭލު ބޭރުގެ ސަރަޙައްދުގެ ތެރެއިން 6 ޑިގުރީ އުތުރު ޠޫލްއިން ފެށިގެން ދެކުނަށް އޮންނަ ސަރަޙައްދެވެ.

ދިވެހިރާއްޖޭގެ މަސްވެރިކަމާއި އިޤްތިޞާދީ މަސައްކަތްތައް ފުޅާކޮށް އެކަމުން ލިބޭ ނަފާ އިތުރުކުރުމަކީ މިސަރުކާރުގެ އަމާޒެކެވެ. މިގޮތުން ލޭނު މަސްވެރިކަމުގައި ހިފޭ މިޔަރު އަދި މަސްވެރިކަމުގައި އަމާޒުނުކުރާ ބާވަތްތައް (ބައިކެޗް) ދުނިޔެ ގަބޫލުކުރާ ބެސްޓް ޕްރެކްޓިސްތަކާއި ހަމަތަކުގެ މަތިން އެއްގަމަށް ގެނެސް، މިޔަރުގެ ބާވަތްތައް ޕްރޮސެސްކުރުމުގެ ހުއްދަ އޮތް ފެސިލިޓީތަކުން ޕްރޮސެސްކުރުމުގެ ފުރުޞަތު މި ގަވާއިދުގެ ދަށުން ފަހިވެގެން ދާނެއެވެ. އެހެންނަމަވެސް މިއީ ދިވެހިރާއްޖޭގައި މިޔަރު މަސްވެރިކަން ކުރުމަށް ހުޅުވާލުން ނޫންކަމަށާއި އަދި ހުޅުވާލުމުގެ ވިސްނުމުގައި ގައި އަޅާ ފިޔަވަޅެއްވެސް ނޫންކަން ފާހަގަކުރަމެވެ.

މިގޮތުން، ލޭނު މަސްވެރިކަން ކުރުމަށް ލައިސަންސް ކުރެވޭ އުޅަނދުފަހަރުތަކުގައި މިޔަރަށް އަމާޒުކޮށްގެން މަސްވެރިކަން ކުރުމަކީ މިގަވާއިދުގެ ދަށުން މަނާކަމެކެވެ. އަދި މިގަވާއިދު ފަރުމާކުރުމުގައި ލޭނު މަސްވެރިކަމުގައި ހިފޭ މިޔަރު ފަދަ މަސްވެރިކަމުގައި ހިފޭ ބައިކެޗް މަދުކުރުމުގެ ގޮތުން ކޮންމެހެން އަޅަންޖެހޭ ފިޔަވަޅުތައް ހިމެނިފައިވާނެއެވެ. މިގޮތުން ބައިކެޗްގެ ގޮތުގައި ހިފޭ މިޔަރު މަދުކުރުމުގެ ގޮތުން އުޅަނދުގައި ބޭނުންކުރާ ލޭނުކޮޅު (ބްރާންޗް ލައިން) ގެ މިޔަވާލި (ލީޑަރ) ގެ ގޮތުގައި ވަޔަރު ނުވަތަ ނަރު (ވަޔަރ ޓްރޭސް) ބޭނުންކޮށްގެން ނުވާނެކަމަށް ގަވާއިދުގައި ބަޔާންކުރެވިފައިވާނެއެވެ. ލޭނުކޮޅުގައި ޖެހޭ މިޔަރުގެ ތެރެއިން ލޭނު ނަގާއިރު މަރުނުވެ އޮންނަ މިޔަރު ވީހާވެސް އަވަހަށް ދޫކޮށްލަންވާނެކަމަށާއި، މިގޮތަށް މިޔަރު ދޫކޮށްލާއިރު މިޔަރަށް ލިބޭ އަނިޔާ ކުޑަކުރުމަށްޓަކައި ބުޅި ނައްޓާ އާލާތް (ޑީ-ހުކަރ) އަދި ލޭނުކޮޅު ބުރި ކުރާ އާލާތް (ލައިންކަޓަރ) ބޭނުންކޮށްގެން މިޔަރުގެ އަނގައާ ނުވަތަ ބުޅިއާ ވީހާވެސް ކައިރިން ނަނު ބުރިކޮށްލަން އިރުޝާދު ދީފައިވާނެއެވެ. އަދި މިއާލާތްތައް ހުރިހާ ވަގުތެއްގައިވެސް އުޅަނދުގައި ހުންނަންޖެހޭނެ ކަމަށް ގަވާއިދުގައި ބަޔާންކޮށްފައިވާނެއެވެ. މީގެއިތުރުން، ލޭނުކޮޅުގައި ޖެހޭ މިޔަރުގެ ތެރެއިން ލޭނު ނަގާއިރު މަރުވެފައިވާ މިޔަރު ބަނދަރަށް ގެންނައިރު ހުންނަންވާނީ މިޔަރުގެ އެއްވެސް އުރަހައެއް އޭގެ ހަށިގަނޑުން ވަކިނުކޮށް ކަމުގައިވެސް މިގަވާއިދުގައި ބަޔާންކުރެވިފައިވާނެއެވެ. މިއީ ދުނިޔޭގެ ފެންވަރުގައި ބަލައިގަނެފައިވާ ލޭނު މަސްވެރިކަމުގެ ބެސްޓް ޕްރެކްޓިސްއެވެ.

މީގެ އިތުރުން، ލޭނު މަސްވެރިކަމުގައި ހިފޭ ބައިކެޗްގެ އިސްރާފު ކުޑަކުރުމުގެ ގޮތުން، ދުނިޔޭގެ ކާބޯތަކެއްޗާ ބެހޭ ޖަމްޢިއްޔާ، އެފް.އޭ.އޯ އިން ޝާއިޢުކޮށްފައިވާ ކޯޑް އޮފް ކޮންޑަކްޓް ފޯ ރެސްޕޮންސިބަލް ފިޝަރީޒް، އަދި މިނޫންވެސް ދެމެހެއްޓެނިވިކޮށް މަސްވެރިކަން ރާވައި، ހިންގައި، ބެލެހެއްޓުމަށް ލަފާދޭ އެހެނިހެން ބައިނަލްއަޤްވާމީ ޖަމްޢިއްޔާތަކުގެ އިރުޝާދުތަކަށް ބިނާކޮށް، ލޭނުގައި ޖެހި މަރުވެފައިވާ މިޔަރު އެއްގަމަށް ގެނެސް، މިޔަރު ޕްރޮސެސްކުރުމަށް ޚާއްސަ ލައިސަންސެއް ދޫކުރުމަށް މި ގަވާއިދުގައި ކަނޑައަޅައިފައިވާނެއެވެ. އަދި މި ލައިސަންސް ލިބިފައިވާ ފެސިލިޓީއަކަށް މިޔަރު ކިރާ، ޕްރޮސެސްކުރުމަށް މިގަވާއިދުގެ ދަށުން ވާނީ ހުއްދަކޮށްފައެވެ. މި ޕްރޮސެސިންސް ފެސިލިޓީތައް ހިންގުމުގައި، މި ވުޒާރާއިން ލައިސަންސްކުރާ އެހެން މަސް ޕްރޮސެސްކުރާ ފެސިލިޓީތަކެކޭ އެއްފަދައިން ކިރާ މިޔަރުގެ މައުލޫމާތު ވުޒާރާއިން ކަނޑައަޅާ ގޮތެއްގެ މަތީން ފޮނުވާ، މަސް ޕްރޮސެސްކުރުމުގެ ލައިސަންސްގެ ޝަރުތުތަކާ އެއްގޮތަށް އަމަލުކުރަންޖެހޭނެއެވެ.

Tuna species are known for their extensive migration across thousands of kilometers in the Indian Ocean. They are a primary target for fishing by various countries, including both artisanal and industrial fishing fleets. As these species transverse international waters and exclusive economic zones (EEZ)s of various nations and are fished by multiple countries, the United Nations Fish Stocks Agreement (UNFSA), under the United Law of the Convention on the Law of the Sea, mandates cooperation between countries for the sustainable use and management of these species. In this regard, the Indian Ocean Tuna Commission (IOTC) is the regional fisheries management organization responsible for managing tuna fisheries in the Indian Ocean. The decisions made by this commission are binding and must be implemented at the national level by all member countries, including the Republic of Maldives.

In its commitment to sustainably manage bigeye and yellowfin tuna stocks in the Indian Ocean, the IOTC had passed a resolution setting a maximum catch limit for each member country. Although the Maldives has been allocated quotas for these tuna species, its fishing vessels have consistently remained well below the prescribed limits. As part of President Dr. Mohamed Muizzu’s pledge to diversify the economy and maximize the benefits derived from ocean resources, the Government of Maldives has announced its intention to reopen the longline fishery in the Maldives, and a draft of the associated regulation has been published on the Ministry’s website for public comments. The draft regulation has also been shared with primary stakeholders, handline fishers, yellowfin tuna processors as well as various other government and enforcement agencies for their feedback.

Considering the past experience and the advice of other longlining fishing States, provisions have been included in the draft regulation to ensure that the fishery is beneficial to Maldivians and adheres to globally recognized sustainability standards and international best practices. The draft regulation includes provisions to ensure the safety, security, and welfare of the vessels' crew members, require vessels to install Vessel Locating Devices and Electronic Monitoring Systems, as well as obtaining a Departure Clearance permit before setting out to the sea for each fishing trip. Additionally, certain areas have been designated as off-limits for longline fishing, particularly to protect handline tuna fishing areas and to minimize potential conflicts with other fishing activities. Areas within 100 miles of the Maldives' archipelagic baseline and the area south of the 6 degrees North latitude in the entire EEZ of Maldives will be also prohibited for longline fishing in the Maldives.

The regulation also includes provisions for the management of bycatch species such as sharks. While targeted shark fishing remains prohibited, the regulation allows for non-targeted bycatch species, including sharks, caught in longline fishing to be landed and processed in specially licensed facilities, in accordance with globally accepted best practices and principles. The regulation also enforces strict measures to minimize shark bycatch. These include banning wire traces and shark lines, regulating line depths, and mandating the release of live sharks brought on board with minimal harm. Dead sharks must be brought ashore with their fins naturally attached, in line with globally accepted best practices.

Further measures aimed to reduce bycatch discards, following the Code of Conduct for Responsible Fisheries of the Food and Agriculture Organization (FAO) of the United Nations and other guidelines from relevant international organizations requires sharks caught incidentally as bycatch to be processed in specially licensed facilities that comply with stringent licensing conditions, similar to other authorized fish processing plants.

Public consultation on the proposed longline fishing regulation opened on August 5, 2024. The Government welcomes all suggestions and feedback on the draft regulation, with submissions due by Sunday, August 18, 2024, at 12:00 noon. Comments can be sent via email to 

ލޭނު މަސްވެރިކަން ކުރުމުގެ ޤަވާއިދާމެގު ޙިޔާލު ހުށަހެޅުމުގެ ސުންގަޑިއަކީ 18 އޯގަސްޓް 2024 ވާ އާދިއްތަ ދުވަހުގެ 12:00 އެވެ. 

Press:- Public consultation on the proposed longline fishing regulation opened on August 5, 2024. 
Due by Sunday, August 18, 2024, at 12:00 noon. Comments can be sent via email to fisheriesmanagement@fisheries.gov.mv.

Press Release

press-release

MOU to Strengthen Fisheries and Aquaculture Collaboration

press-release

‘From Maldives’: A New National Brand to Promote Fisheries Products.

press-release

To Mark World Oceans Day 2025 - "Moodhu Fest”

press-release

Side Event on Small-Scale Fisheries Development, Management, and Conservation at the 3rd UN Ocean Conference

press-release

Minister's Message - World Oceans Day 2025

press-release

Ministry signed a Memorandum of Understanding (MoU) with the Bank of Maldives to Enhance Financial Services for Fishermen

press-release

Official Statement on the Expansion of Bilateral Trade Relations in Fisheries and Marine Resources with China-Maldives Free Trade Agreement (CMFTA)

press-release

Press:- Activities planned for 44th national Fishermen's Day celebration

press-release

Press Release - RSW Finance

press-release

Maldives to Reopen Longline Tuna Fishery with Sustainable Management Measures in Place